Danke al la interreto, la tuta mondo fariĝis tre proksima. Tamen, la sperto de homoj kiuj havis la okazon persone viziti kaj foti la malproksimajn lokojn de la Tero, ĉiam havos la avantaĝon de aŭtenteco kaj subjektiveco, kiu en la Revuo de Subjektivaj Fotoraportoj la plej valoras.
Afiŝo de la Kongreso de Esperanto (fragmento)
Mi invitas al la spontana, virtuala intervjuo kun Zbigniew Grzesiak (Ziby), la partoprenanto de Brazila Esperanta Kongreso kaj lia subjektiva foto-raporto el vizitintaj lokoj. /JBB/
La rivero Rio Negro kuniĝas kun la rivero Rio Solimoes kaj poste fluas kune kiel la rivero Amazono.
JBB – Ziby. Mi rigardis al la foton, kiun Vi alsendis kaj mi ekpensis, ke la ŝipo veturas sur la sablo. Diferenco de la koloroj estas nekredebla!
Ziby – La koloroj de la riveroj dependas de mineraloj kiuj estas en akvo. Sur la foto la rivero Rio Negro kuniĝas kun la rivero Rio Solimoes. Kaj poste fluas kune kiel la rivero Amazono.
JBB – Vi fotis tre interesajn lokojn. Unuaj plenaj de simpleco, aliaj, kiel tiuj nubskrapuloj kun lageto sur la unua plano, tre elegantaj. Rakontu pri tiu ekspedicio. Kial Vi troviĝis tie en mezo de la vintro (nia vintro)?
Manaus
Ziby – Mi ekiris al la Brazila Kongreso de Esperanto.
JBB – „Mi ekiris”… Unu, du kaj Vi estas en Brazilo. Mi ne sciis, ke Esperanto estas tiel moda.
Ziby – Esperanto estas ĉiam moda. Mi lernis tiun internacian lingvon kiam mi estis studento. Tiam mi vizitis preskaŭ la tutan Eŭropon. Nun mi vizitas alian kontinenton. La kongreso kun devizo „La verda paradizo invitas Vin” vere estis bona okazo kaj vere estis „unu-du” decido dum unu monato.
La plej multekosta estis la aviadila bileto. Aliaj prezoj – kiel en Pollando. Eĉ la valoro estas la sama: 1 USD = 4 PLN = 4 BRL.
Dum la Kongreso estis prelegoj, diskutoj, vizitadoj kaj ekskursoj
JBB – Asocioj de Esperanto funkcias en la tuta mondo, do ne miras min renkontiĝo en tiel malproksima lando.
Indiana familio
Ziby – En la pasinta jaro, jubilea, la 100-a Universala Kongreso estis en Lille (Francio). En la kuranta jaro la kongreso estos en Nitra (Slovakio). Kaj en venonta jaro la kongreso estos en Seulo (Koreo). Sed Internacia Junulara Kongreso de Esperanto en la jaro 2016 okazos en Wrocław (Vroclavo – Pollando) . /http://ijk2016.tejo.org/
JBB – La kongreso daŭris nur kelkaj tagoj. Do Vi havis eblecon ekkoni diversajn flankojn de Brazilo.
Ziby – Dum Kongresoj estis multe da interesaj prelegoj, ekzemple pri grupoj de Indianoj, kiuj neniam kontaktoĝis kun civilizacio.
Mi tre ĝojas, ke tiel multaj junaj homoj interesiĝas pri la internacia lingvo. Tio signifas ke Esperanto en estonteco disvolviĝos pli forte.
Partoprenantoj de la Kongreso de Esperanto
JBB – Kiel longe Vi estis en Brazilo?
Ziby – Mi alvenis al Brazilo 18-an de januaro kaj revenis la 30-an. Mi vidis preskaŭ ĉion, kion povas ekvidi ordinara turisto kaj eĉ pli.
JBB – Vi faris multe da fotoj. Parto de ili ni prezentos.
Ziby – Mi fotis multege. Mi grupis ilin laŭ la temoj. Ili estos prezentita parto post la parto.
JBB – Mi dankas. Certe ili estos tre atrakciaj „brikoj” por nia Fota Turo de Babelo – Fotograficznej Wieży Babel.
Ziby – Nun mi proponas foto-raporto el Manaus kaj kelkaj subjektivaj rimarkoj.
MANAUS
Strato en Manaus
Urbo en norda okcidento parto de la lando. La distancon pli ol 4 mil da kilometroj de Rio de Janeiro al Manaus, flugilo atingas dum preskaŭ 4 horoj. La Amazono fluas al Atlantiko de Manaus pere distanco 1200 km, de alteco 90 m super marnivelo.
Nepre estas vidinda la fiŝa foiro. Diversaj specoj de fiŝoj rekte de la rivero. Surloke oni povas aĉeti kaj gustumi.
En centro de la urbo estas fama teatro „Amazonas” kaj apud „Ponta Negro” troviĝas la sablo-riĉa plaĝo.
Fiŝa foiro
Tre atrakcia estis renkontiĝo kun loĝantoj de proksima praarbaro – Indianoj. Ili prezentis siajn dancojn kaj poste dancis kun vizitantoj. La fragmento de registritaj filmoj vi povas ekvidi.
Mi invitas vin por rigardi tiujn ĉi lokojn kaj eventojn.
Fotoj prenitaj de: @ Zbigniew Grzesiak
-
- Aŭtoro kaj partoprenantoj de la kongreso
-
- Kongreso estas prelegoj, diskutoj, sightseeing
Peco da sukero (Pao de Acucar)
Uczmy się Esperanto! Zibi, łutem szczęścia tak liczne komentarze Alvaro nie zostały potraktowane jako spam. Instynkt nie zawiódł. Gratuluję ciekawych fotorelacji z Brazylii.
Admin FR24
Al mi ege plachis viziti la indighenan vilaghon proksime al Manaus. En Brazilo ekzistas 274 indighenaj lingvoj (preskau la duoblo de europaj lingvoj) kaj tre malmulte da brazilanoj scias pri tio. Estis tre interese auskulti la tribestron rakonti ke oni parolas 5 lingvojn en tiu indighena vilagho. Tre belaj fotoj! 🙂